Psa 112 | KGF | STEP | Haleluya, Yawe eeya héimima héna acyawac ségiségi kuneŋ yanda waŋanʒac inéŋ ʒézé ségiségiyaguc.

Psalms 112

Ic solaŋ dindiŋawac muruségiségi hemimac.

1 Haleluya, Yawe eeya héimima héna acyawac ségiségi kuneŋ yanda waŋanʒac inéŋ ʒézé ségiségiyaguc. 2 Ɋelihéra ieneŋ baeciguc kucginaguc kecmu. Ic solaŋ dindiŋa ionac ɋelihécgina ieneŋ ʒézé ségiségi ginaguc. 3 Amayaiguc mériaŋ hemimac. Hakaya solaŋ dindiŋanéŋ hémbénaŋa hemimac. 4 Ic solaŋ dindiŋa ionac imi tunumaŋ qeriaiguc asac mararaŋnéŋ éréanʒac. Asacmararaŋ iminéŋ ewa hia ʒéma ewa biric ʒéma haka solaŋ dindiŋa waŋ énécmianʒac.

5 Ewa hia waŋ énécmima iwawaiyanéŋ ic tosara méra énécmianʒac imi hiaruanʒac. Inéŋ ai memaŋ ʒé héna ac séciguc dindiŋanec meanʒac. 6 Inéŋ qekeŋ qehaya qahac. Ic solaŋa imi hémbénaŋa niŋɋeli mimia wammac. 7 Inéŋ gezac qéʒéŋ ac biriawac bac yandi yandi ménda waŋanʒac. Ewa qeria imi Yaweac héima naŋu waiʒalaŋa qahac. 8 Ewa qerianéŋ seligima heyu ʒénéŋ hirihiri ménda wammanec keru Haʒéchéra bakia megic inicmac. 9 Inéŋ iwawaiya méndémma maqeqeya ionac énécmiyec. Haka solaŋa imi hémbénaŋa heyu iliha imi ʒézé bipiyaguc meyac mimia wammac. 10 Kaiʒiliweŋ ic imi haka imi hémma aric aric kima pépélima qahac wammac. Kaiʒiliweŋ ic ionac ewa siŋgina imi gorosoŋa wandacmac.